Анас ибн Малик (р.а.) мындай риваят кылат: “Аллахтын Элчиси Пайгамбарыбызﷺ Меккеден Мадинага хижрат кылып келгенде, Мадина элинин майрамдай турган эки күнү бар эле. Аллахтын Элчисиﷺ: “Бул эмне болгон күн?” – деп сураганда, алар: “Жахилият доорунда ушул эки күндү майрамдачу элек”, – деп жооп беришет. Ошондо Аллахтын Элчисиﷺ: “Бул эки күндү (таштагыла). Аллах силерге андан да жакшы болгон Курман айт менен Орозо айтты майрам кылып берди” – деди”. Абу Дауд:1134
Рамазан айынын ыйык Кадыр кечинде Бишкек шаарына караштуу Ала-Тоо конушунда жайгашкан «Рашид Саид» мечитинин имам-хатиби Турат ажы Чынбаевге «Ала-Тоо коомунун» жаштары тарабынан автоунаа белек кылынды.
Жаштар имамга Honda Accord үлгүсүндөгү жеңил автоунаанын ачкычын тапшыруу менен бирге, ак калпак кийгизип, чапан жабышты.
«Автоунааны Алланын ыраазычылыгы үчүн белек кылдык. Мечитте имамдык кылган, төрөлгөн наристелерге азан айткан, көзү өткөндөргө жаназа окуган имам дамлабыздын эмгеги зор. Аны кадырлап, дубасын алалы деген идея бар болчу. Имамыбыз 13 жыл бою элге ак кызматын кылып, мечитти абад кылып, документтенинен бери өзү чуркап бүтүргөн. Ала-Тоо жаштары ушул ыйык күндөрү ихсан кылып, көңүлүн көтөрөлү деп пландаган элек», – деди коомдун жетекчиси Куттубек Амантуров.
Өз кезегинде Турат ажы жаштарга көрсөткөн рамазандык белеги үчүн ыраазычылык билдирип, алардын иштерине ийгилик каалап, үй-бүлөлөрүнө тынчтык жана береке тилеп, дуба кылды.
